Тат-Тнабар е моќен тим од 7 талентирани професионалци во областа на ударните иструменти, танц, театар и музика. Лефтерис Мошовиас ја создал групата на Кипар во текот на летото 2000 година, а нивната цел е да се оттргнат од вообичаените музички трендови, користејќи сѐ освен вообичаените музички инструменти, а изворот на нивната инспирација потекнува од музичката историја на Африка.
Тат-Тнабар е единствената удрана група во Кипар која учествува на различни етнички музички фестивали во странство, изведувајќи концерти и промовирајќи ја нашата кипарска традиција со импровизирани и рециклирани музички инструменти. Тие компонираат музика за театар, филмови и документарни филмови и секогаш изведуваат своја музика со инструменти што ги создале од нула – тенџериња и тави, кофи, буриња, пластични цевки, па дури и зеленчук.
Нивната музика е наградена со театарската награда THOK (Кипарска театарска организација) како „Најдобра музика на годината“ во два одделни наврати, во 2005/06 и 2006/07 година.
Тие, исто така, настапуваат и одржуваат семинари на тема „Еволуцијата на ритамот и звукот, од палеолитската ера до денес, на електронската музика“.
Бидејќи историјата, филозофијата и митологијата се архиви на човечкото наследство, звукот и музиката се движат со извадоци земени од различни африкански музички племиња кои живеат во длабочините на џунглата.
Тие успеваат да ја спојат екологијата со уметноста и да понудат уникатен спектакл, како и силна еколошка порака. Тие ќе ве поведат по магични патеки каде што може да се откријат убавините на нашата планета, од пустината до дождовните шуми на Амазон, од длабочините на Африка до модерната Европа, од морското дно до највисокиот планински врв.
Преку убавината и уметноста, културата се раѓа заедно со почитта на луѓето кон другите луѓе и љубовта во сè што нѐ опкружува.
Извор: https://www.facebook.com/profile.php?id=100071661413190
https://city.sigmalive.com/article/2020/9/9/eikones-apo-mia-polu-prototupe-parastase-sto-plaisio-tou-phestibal-kupria/
